2016-imi suliffeqarfinni naatsorsuutit

2016-imi aningaasaqarnermi ineriartornerup takutippaa kaaviiaartitani 2,22 mia. kr.-nik qaffariartoqarsimasoq. Kaaviiaartitat tamakkiisut 21,5 mia. kr.-usimapput. Suliffeqarfinnilu sulisut tamakkerlutik 10.572-iusimallutik. Naleqarnerulersitsineq tamakkiisumik 7,9 mia. kr.-nik annertunerulersimavoq qaffariaat 1 mia. kr.-iulluni.

 

Titartagaq 1. Suliffeqarfinni pingaarnertut inernerit

 

Suliaqarfinni ataasiakkaani naleqarnerulersitsinerup ineriartornera suliaqarfinni sulisunut naleqqiullugu takuneqarsinnaavoq. Suliaqarfik Aalisarneq sulisumut ataatsimut naleqarnerulersitsinera qaffariaateqarnerpaasimavoq.

 

Titartagaq 2. Sulisumut ataatsimut qaffariaatip nalingani allannguutit, suliaqarfiit malillugit

Nalunaarut.: Suliaqarfik C. Aatsitassarsiorneq tabelimi ilaanngilaq.

 

Isumalluutit tamakkerlutik 34,2 mia. kr.-usimapput namminerlu aningaasaatit 12,5 mia. kr.-usimallutik. Isumalluutit 0,8 mia. kr.-nik qaffariaateqarsimapput namminerlu aningaasaatit 1,5 mia. kr.-nik qaffariaateqarsimallutik. Takussutissaq 1.-imi suliffeqarfiit tamakkerlutit ataatsimut naatsorsuutaannut pingaarnernut tabelit takutinneqarput.

 

Takussutissaq 1. Suliffeqarfinnut naatsorsuutit pingaarnerit, mio. kr.-nut

	2015	2016	Allannguut 2016-2015	Procentin-ngorlugu allannguut
Nalunaarsukkat inerneri
Kaaviiaartitat  ...............................	19.380	21.536	2.155	11,1
Nalikilliliinnginnermi inernerit ....................	2.429	2.910	481	19,8
Ingerlatsinermi angusat .......................	788	1.735	947	120,1
Ukiumoortumik angusat akileraarut ilanngutereerlugu .	521	1.379	859	164,9
Naatsorsuutit oqimaaqatigiissinnerat
Sanaartornermi pigisat ........................	24.852	25.442	590	2,4
Kaaviiaartitani pigisat .........................	8.526	8.726	200	2,3
Namminerisamik aningaasaatit ..................	11.014	12.496	1.483	13,5
Akiitsut ....................................	22.363	21.671	-692	-3,1
Naleqarnerulersitsineq ........................	6.983	7.928	945	13,5
Suliffeqarfiit amerlassusaat .....................	654	669
Agguaqatigiissillugu ukiumut sulisut (inunnut) .......	10.320	10.572

Najoqqutaq: Naatsorsueqqissaartarfik, http://bank.stat.gl/ESNRESBAL

 

Sulisumut ataatsinut nalunaarsukkat akileraaruseriikkat takutippaat 2015-imut naleqqiullugit suliaqarfinni Aalisarnermi, Atortussionermi aammalu Niuernermi iluarsaassinermilu qaffariartoqarsimasoq. Aalisarnermut suliaqarfimmi sulisumut ataatsimut inernerit qaffasinnerpaasimapput, tassani atorfilimmut ataatsimut 412 tusind kr.-usimalluni.

Titartagaq 3. Sulisumut ataatsimut inernerit akileraaruseriikkat

Nalunaarut:Suliaqarfiit C. Aatsitassarsiorneq, J. Aningaaseriviit aammalu K. Inissianik attartortitsinerit sullissinerillu allat nalunaarsuutini ilaanngillat.

 

Takussutissaq 2. Pingaarnertut inernerit, suliaqarfiit malillugit

	Suliffeqarfiit	Sulisut	Kaaviaartitat	Akissarsiat, soraarnerus-sutisiat allallu	Ukiumoortu-mik angusat akileraarut ilanngaatige-reerlugu	Naleqarneruler-sitsineq	Pigisat	Nammi-nerisamik aningaa-saatit
	Amerlassusaat		Mio. kr.
Suliaqarfiit tamakkerlugit .........	669	10.572	21.536	4.982	1.379	7.892	34.167	12.496
B. Aalisarneq .....................	57	791	2.265	709	326	1.370	3.130	1.174
C. Aatsitassarsiorneq ...............	15	28	25	18	-60	-36	942	366
D. Atortussiorneq ..................	34	266	532	118	42	205	577	233
F. Sanaartorneq ...................	113	1.670	2.218	721	54	887	1.366	579
G. Niuerneq iluarsaassinerlu ..........	127	4.359	10.894	1.748	480	2.696	9.535	4.615
H. Akunnittarfiit neriniartarfiillu .........	32	392	393	126	24	186	381	141
I. Assartuineq .....................	59	2.080	3.570	1.021	225	1.804	4.911	2.696
J. Aningaaseriviit, aningaasaliisarfiit sillimmasiisarfiillu. ..................	23	166	565	102	100	221	8.648	1.332
K. Inissianik attartortitsinerit sullissinerillu allat. ............................	209	820	1.075	420	189	559	4.678	1.361

Najoqqutaq: Naatsorsueqqissaartarfik, http://bank.stat.gl/ESNRESBAL

 

Sulisumut ataatsimut sulisoqarnermut aningaasartuutit suliaqarfinni Aalisarnermi 897 tusind kr.-iullutik aammalu Aatsitassarsiornermi 642 tusind kr.-ullutik annertunerpaasimapput. Suliaqarfik Akunnittarfiit neriniartarfiillu sulisoqarnermut aningaasartuuteqannginnerpaasimavoq, tassani atorfilimmut ataatsimut 320 tusind kr.- usimalluni.

 

Suliffeqarfimmi naleqarnerulersitsineq tassaavoq ingerlatsinermi isertitat nioqqutissanik aammalu kiffartuussinerit allat ilanngaatigereerlugit. Naleqarnerulersitsineq sulisunut, aningaasaatinut, aningaasaliinernut nutaanut isumannaallisaanermullu akiliinernut atorneqartarpoq. Aammattaaq suliffeqarfinni naleqarnerulersitsinerit tassaasinnaapput akissarsisitsinerit tamakkiisut aammalu sinneqartoorutit ilanngaateqanngitsut.

 

Titartagaq 4.-miippoq qaffariaatip nalinga suliffeqarfiit malillugit.

 

Niuerneq iluarsaassinerlu suliassaqarfimmi naleqarnerulersitsinermi qaffariaat 335 mio. kr.-niulluni annertunerpaasimavoq, tulliulluni suliaqarfik Aalisarneq 286 mio. kr.-nik qaffariaateqarsimavoq. Suliaqarfimmi Aningaaseriviit, aningaasaliisarfiit sillimmasiisarfiillu allat appariaat annerpaasimavoq 27 mio. kr.-ulluni.

 

Titartagaq 4. Qaffariaatip nalinga, suliaqarfiit malillugit

Najoqqutaq: Naatsorsueqqissaartarfik, http://bank.stat.gl/ESNNGl

 

Kisitsisit pingaarnerit

Suliffeqarfinni naatsorsuutit kisitsisinik pingaarnernik assigiinngitsunik naatsorsuisinnaanernik suliaqarfiit ataatsimut aningaasaqarnikkut ineriartornerannut takussutissiisinnaasunik periarfissiivoq.

 

Takussutissaq 3. Suliffeqarfinnut kisitsisit pingaarnerit, suliaqarfiit malillugit

	Iluanaarutit annertussusaat		Sinneqartoorutit annertussusaat		Akilissinnaassuseqarnerup annertussusaa (ratio)		Annaasaqarnermi akiliisinnaassutsip annertussusaa
	2015	2016	2015	2016	2015	2016	2015	2016
Suliaqarfiit tamakkerlugit ............	2,5	5,1	4,1	8,1	1,1	1,2	33,0	36,6
B. Aalisarneq  ......................	11,4	16,4	15,7	22,1	1,6	1,7	30,0	37,5
C. Aatsitassiorneq  ..................	-20,3	-6,7	-601,3	-227,6	1	1,6	26,1	38,8
D. Atortussiorneq  ...................	5,3	11,6	7	12,4	1,2	1,3	37,4	40,3
F. Sanaartorneq  ....................	8,7	7,5	5,7	4,5	1,5	1,6	39,9	42,4
G. Niuertunik pilersuineq atugassanillu nioqquteqarneq  ....................	6,5	6,3	6,1	5,5	0,9	1,1	43,9	48,4
H. Akunnittarfiit neriniartarfiillu  .......	6	10,7	7	10,1	0,9	0,8	34,5	36,9
I. Assartuineq  ......................	5,9	6,7	8,4	9,6	1,8	1,6	51,2	54,9
J. Aningaaseriviit, aningaasaliisarfiit sillimmasiisarfiillu  ..................	0,6	1,1	7,8	16,9	-	-	15,9	15,4
K. Inissianik attartortitsinerit sullissinerillu allat  ..................................	-9,6	1,2	-42	5,1	0,8	0,7	21,9	29,1

Nalunaarut: Akiliisinnaassutsip annertussusaa suliaqarfinni Aningaaserivinni aningaasaliisarfinnullu suliarineqanngilaq.

Najoqqutaq: Naatsorsueqqissaartarfik, http://bank.stat.gl/ESNNGL

 

Iluanaarutit annertussusaat tassaavoq pisassarisanut naleqqiullugu akileraaruseriikkamik inernerat, tamanna nammineq akiliisinnaassutsimut kisitsisaavoq pisassarisat nalingini iluanaarutissanik takutitsisoq. 2016-imi Aalisarnermi suliaqarfiup iluanaarutissaata annertussusaa qaffasinnerpaasimavoq, tassani suliaqarfik Aatsitassarsiorneq iluanaarutissaat pitsaanngitsumik inerneqarsimallutik aatsitassarsiornikkut sulianik nalikilliliinernik/appartitsinernik imaluunniit misissueqqaarnerni aningaasartuutit qaffasippallaarsimanerinik peqquteqartumik.

 

Sinneqartoorutit annertussusaat iluanaaruteqarsinnaanermut tunngassuteqarput suliffeqarfiullu kaaviiaartitamini sinneqartooruteqarnissaminut piginnaassusaanik takutitsisuulluni. Takussutissaq 3.-mi takuneqarsinnaavoq 2016-imi suliaqarfiit Aatsitassarsiorneq sinneqartoorsinnaanerisa annertussusii pitsaanngitsumik inerneqarsimasut tamanna aatsitassarsiortitsisuni misissueqqaarnermilu suliaqartuni annertuumik nalikilliliisimanernik/appartitsisimanernik pingaartumik peqquteqarpoq. Aalisarnermilu suliaqarfiup sinneqartoorutaata annertussusaa qaffasinnerpaasimavoq, sinneqartoorutit annertussusaat 22,1 pct.-imiissimalluni.

 

Akiliisinnaassuseqarnerup annertussusaata takutippaa qanoq annertutigisumik akileeqqusissutit annertunngitsut akuerineqarsinnaanerat. Akiliisinnaassuseqarneq kaaviiaartitani pisassarisat akiitsunut piaartumik akilerneqartussanut naleqqiullugu kisinneqarpoq. 2016-imi akiliisinnaassuseqarnerup annertussusaa 2015-imut naleqqiullugu ajorpallaanngitsumik allanngorarsimanngilaq. Tassani nalunaarsukkat qaangerlugit 1,2-imi inissisimavoq tamannalu suliffeqarfiit piaartumik akilersuisussaatitaanerminnut naammassinnissinnaanerannik isumaqarpoq. Suliaqarfinnili ataasiakkaani naatsorsuutigineqartoq 1-imik appasinneruvoq.

 

Annaasaqarnermi akiliisinnaassutsip annertussusaa suliffeqarfiup annaasaqarnermi akuersaarinnissinnaanermut piginnaasaanik takutitsivoq. Annaasaqarnermi akiliisinnaassutsip annertussusaa namminerisamik aningaasaatit pisassarisanut tamanut namminerisamik aningaasaatinik aningaasaliiffigineqarsimasunut naleqqiullugit kisinneqarput. Annaasaqarnermi akiliisinnaassutsip annertussusaa appasippat nutaanik taarsigassarsinissaq aamma ajornakusoornerusinnaavoq. Suliaqarfiit tamakkerlutik annaasaqarnissamut akiliisinnaassusiisa annertussusaat 36 pct.-inik annertuneruvoq. Tamanna pisassarisat tamakkerlutik pingajorarterutaasa namminerisamik aningaasaatit atorlugit aningaasaliiffigineqarsimanerannik isumaqarpoq.